幫你剪頭髮
比你剪頭髮
預約剪髮鋪上門剪你個頭
點解會有呢個網站？
疫情肆虐,剪髮鋪被迫停業,
一班髮型師搵食艱難。
而家就算排隊都無得剪髮,
所以希望透過呢個網站,
街坊可以搵到屋企附近嘅,
剪髮鋪上門剪髮,修你個頭。
願意為街坊服務嘅剪髮鋪可以聯絡我地,街坊亦都可以透過呢個網站剪頭髮,
一齊有髮剪 (發展) !
上門剪髮收幾錢？
我唔知，唔好問我，問翻幫你剪髮嗰間剪髮鋪。
呢個網站並無收取任何介紹費，佣金。
所有錢銀嘅野，我地一律唔知道。
但求大家有髮剪 (發展) !
剪衰咗點算？
我地網站會唔會負責任？
我地唔會負責任。
剪得好嘅，我真係恭喜你呀 !
剪衰咗嘅，下個會更好 !
真係咁好?
蝕錢整個網站岀嚟?
有冇目的？
係。真係咁好，冇目的。
街坊剪得開心，髮型師又有得搵食
希望大家都有個好髮剪(發展) !
好重要，所以要講三次!!!
街坊點聯絡剪髮鋪？
街坊們可以禁入去網站右上角 ”我想剪髮”
可以見到屋企附近剪髮鋪嘅聯絡方法
剪髮鋪點聯絡我地網站？
可以禁入去網站右上角 ”我想搵客”
提供基本資料，我地會盡快幫你核實。
係咪一定要有實體剪髮舖先可以加入我哋？
是，冇錯。
為咗確保街坊嗰頭嘅安全，髮型師嘅專業。
任何業餘/自僱髮型師一律不接受加入。